政情：有相為證：「咪兜」勿濫用

立法會一樓議事廳同二樓會議室前面不嬲設有咪架，大家通常叫「咪兜」，方便出席會議嘅官員同議員接受傳媒訪問。咪兜位只供上述兩類人士使用，其他想接受傳媒訪問嘅政黨職員同市民就只可以稍移玉步行出立法會範圍接受訪問。不過，唔少政黨中人有時會無視立法會規定，博大霧企喺「咪兜」位扑咪，貪佢夠方便唔使另外搵位做訪問，包括民主黨林卓廷早前就喺一樓「咪兜」位接受幾個傳媒訪問講廉署事件。