貪曾去年被我哋揭發佢喺卸任前將十二箱、共七十二支「國酒」茅台送往前特首辦。為咗安置呢批酒藏，貪曾更豪花公帑豪裝前特首辦，甚至興建酒窖。不過，聽聞貪曾已經好耐冇返過前特首辦，加上佢嘅醜事傳千里，就算佢返到去，又有邊個會陪佢飲茅台呢？要將茅台運走就更難，因為依家佢中港兩邊走，居無定所，啲茅台咪惟有擺喺前特首辦，擺到千秋萬代囉。佢貪埋咁多又無得享用，其實貪嚟做乜呢？
議員促公開拍賣
其實反正放喺前特首辦嘅茅台酒都屬於公家酒，有立法會議員促請行政署倣效廉署咁，將啲酒交予政府物流服務署作公開拍賣，幫補吓庫房收益仲好啦！