三名學者主張嘅「佔領中環」尋日舉行咗首場商討日，泛民各大政黨同陣營都有派代表出席，其中教協會長馮偉華更發表咗「佔中時機論」。
馮偉華形容，佔領中環係「核彈」，要小心使用，亂咁用或者提早用，就好似北韓之前表示會進行核試咁，講咗幾次就冇人理，所以時機係好緊要喎。查實「時機論」簡單係阿媽係女人嘅講法，基本上係人都知，但佢鄭重提出呢個論據，唔通另有玄機？
