政情：廢腑之言：聶德權枉有三隻耳

將於下星期一轉任政務司司長辦公室專員（特別職務）嘅社會福利署署長聶德權，尋日臨別同傳媒茶敍時話，喺調任之前冇人招攬過佢過檔，只係收到公務員事務局電話同佢講要調職，通知佢幾時要返工，接任人幾時到等，就係咁多。佢仲話，新工作主要做扶貧同人口政策範疇，但具體要做啲乜、工作情況係點，因為未返工所以都唔係太清楚。由於呢個位只係臨時職位，任期只得半年，半年之後嘅去向係點，佢都話唔知喎！記得佢○八年上任社署署長時，自稱姓聶有三隻耳朵，聽意見收風能力特別強，睇嚟都係言過其實啫！（張恬怡攝）