政情：今日你上鏡：大董請客

立法會議員廖長江（Martin）進身賽馬會大董後，我哋早前就見佢同太太邀請陳健波、謝偉銓、易志明等幾位議員及梁智鴻夫婦入沙田馬場午膳。問Martin會唔會請晒七十個議員入馬場食飯？佢話想就想嘅，可惜廂房冇咁多空間容納晒咁多人，惟有輪流請佢哋啦！佢仲話，起碼要到下個馬季，先至請得晒七十位議員，但佢補充話：「如果下一季我仲係大董的話！」呢句話唔知有乜玄機呢？