工聯會潘佩璆無做立法會議員之後，仍然好關心時事，不時喺社交網站發表個人睇法，大談真心「璆」論。潘醫生話，自小鍾意思考問題，亦愛同人分享自己嘅睇法，又自爆前排有人搵佢「開咪」做主持，但佢自問時間、功力皆有限婉拒咗。經常真心發「璆」論，自然亦會收番唔少意見，潘醫生話真假意見不難分，事關真心意見有感染力，言不由衷則無價值。唔知佢係咪認為開咪嘅人有時都要講啲言不由衷嘅說話，所以唔肯開咪呢？
