「貪湯」湯顯明經過立法會政府帳目委員會連串聆訊後，港人已知道呢位前廉政專員係幾咁腐敗，包括公然豪花公帑帶女友、前入境處助理處長陳詠梅四處吃喝玩樂。不過心水清嘅會記得，陳詠梅離開咗入境處後，就喺香港提升快樂指數基金做義務總幹事，周圍搞講座大談快樂之道，例如點樣一邊工作一邊減壓、點樣做運動令個人開心啲。貪湯的確係學識快樂之道，完全寓工作於享樂，結果愈快樂就愈墮落，終於都係要付出代價。
