【本報訊】「就係唔使排隊咁點呀？」昨日網上瘋傳兩段短片，片中人同因乘搭交通工具時的排隊問題，與其他乘客展開對罵，兩人均「聲大夾惡」兼「毫無悔意」；有網友認為是「文化差異，去到邊爭到邊。」
第一段短片中，昨晚零時許，一名年約卅歲，操不純正口音廣東話的疑似新移民女子，疑趁小巴站有人暈倒，其他排隊市民圍觀幫忙而未有上車的混亂間，強行「打尖」上車及「嘟卡」坐下。小巴上其他乘客見狀不滿，出言指摘圍剿：「你睇吓條人龍先啦……人哋咁好心救個女仔（暈倒人士）你喺度打尖……你唔落車我哋報警。」女子甚為不滿，出言反駁：「報（警）咪報囉……你叫我落車就落o架啦……你哋人多蝦人少。」她辯稱：「如果我知個女仔暈咗我就唔會上車」，但有乘客激動指摘：「咪同你講咗囉！係你係都要上嚟！」，雙方僵持不下，最終有小巴乘客報警。有網友指事件擾攘約半小時，最終女子被警方「邀請」下車，但她臨別時仍「不甘示弱」，表示自己將乘的士回家。
另一段短片中，亦有一名年約卅歲，疑似內地漢，攜同妻兒行李，在港鐵九龍塘站列車到站時，疑強行越過月台上前方排隊乘客「逼上車」，惹來其他乘客不滿，出言指摘。男子辯稱：「我帶住小朋友同拉住架車仔（行李）呀嘛，就係唔使排隊咁點呀？」有網友懷疑片中兩名男女為新移民及內地遊客，將事件歸咎為中港矛盾及文化差異。