工廈外牆滲水 路人易跣親
滴水問題有礙環境衞生，涉及行人路更或對公眾構成影響。吳太發現，青山公路葵涌段有工業大廈外牆滴水多時，令行人路經常一片濕滑。「啲水成日係咁滴，整到成撻地都濕晒，老人家同細路仔行過好易會跣親！」吳太不滿有關情況遲遲未見改善。
本報披露 始有人整
食物環境衞生署發言人表示，接獲轉介後派員巡查，發現有關大廈低層露台堆積垃圾，引致去水渠淤塞及滴水，遂要求有關單位負責人須盡快清理及維修。該署職員覆查時，確定有關喉管已獲維修，且未有再發現滴水情況。該署會繼續留意上址情況及採取行動。
吳太證實，經本報轉介後，上述滴水問題已迅即改善。「都係多得《東方日報》幫我哋啲小市民出頭，如果唔係都唔知等到幾時先至有人嚟整！」 吳太希望食環署能加強主動巡查跟進。