新聞故事：街市奇裁 時代隙縫求存
中環街市活化變身「城中綠洲」，建築設計塵埃落定，惟商戶安置仍未定案。與街市同度近廿年風雨的裁縫阮邦冠，製作蘇格蘭服的手藝在本港堪稱絕無僅有，更引來外地顧客垂青，但仍未足以確保他在活化後的中環街市佔一席位，手藝隨時淹沒歷史洪流之中。對老店來說，活化，到底是活，還是化？
「嗰陣入中環街市，其實都係諗住試吓。」學師出身，於六十年代入行的阮師傅，滿師後成為「包頭」。有八十年歷史的中環街市，於九四年開設高級購物廊，廣招租戶，未曾開過舖的他「膽粗粗」進場，「一開始個場真係好靜，連郵差都唔知有呢個地址。」
一做十九年，見證着中環街市由靜變盛，繼而衰落；由最初的「開荒牛」，變成最後一批租客。阮師傅指，香港過去手工業興盛，要衝出重圍，必須靠技術，贏口碑，「要真材實料。依家喺香港，開洋服店親手做埋衫嘅，冇乜幾個。」
製蘇格蘭服 手藝港罕見
撇開一般西裝，阮師傅的「撒手鐧」是蘇格蘭服。他笑稱，「香港搵多個（做蘇格蘭服的裁縫）都冇。」別看蘇格蘭裙只是簡單一幅布，最多加些扣子，要製作一條「靚裙」，往往花上十數小時，「要做得好就一定要用手針挑（線），咁樣（成品）先會有彈性，坐圍都會靚啲。」阮師傅一臉認真地說。
曾實地了解蘇格蘭文化的阮師傅，說起蘇格蘭服話題不絕。原來，蘇格蘭裙有皺褶的一邊其實是背面，布料上的花紋叫「tartan」，每個樣式均有特別名字，不能以「格仔紋」概括，「係要親身去到，先可以感染到呢樣嘢（文化），依家有啲客人，反而要我教番佢條裙點樣着。」他莞爾而言。
英國製衣業式微，部分外國顧客向阮師傅求助，他坦言：「（近年）係多咗mail order（郵寄訂單）。」不過，巧手師傅亦敵不過時代巨輪，阮師傅雖仍未收到「迫遷」通知，但早前發展局局長陳茂波強調，地政總署會在正式把街市大樓交予市建局前，按租約條款適時通知有關商戶遷出。
圖：吳啟偉／文：陳偉豪