政情：公民講場：「健」議少拗撬 經濟可爭「鋒」

香港競爭力插水，喺最新嘅全球競爭力排名由榜首跌至第三，四大範疇嘅排名全線下跌，為本港經濟敲響警號。身兼行政會議成員兼總商會立法會議員林健鋒（Jeffrey）尋日就話，香港排名下跌，係同周邊地區與城市發展加快有關，好似香港興建機場跑道都落後於深圳及廣州，皆因要處理好填海及環保等問題，規劃過程太慢，所以佢希望社會同立法會減少爭拗，顧及民生及經濟發展，咁先可以提升香港競爭力。睇嚟Jeffrey唔單止要推銷懷舊玩具鴨，最好就連涼茶都賣埋，等大家飲杯涼茶降吓火，自然就減少爭拗啦！