香港青年聯會一班主席團核心成員，上周五中午應立法會議員黃定光（左五）邀請參觀立法會及午膳。原本參觀行程冇乜特別，但最搞笑係，路過嘅議員見到其中一名成員，就好似粉絲見到偶像咁，有啲望多兩眼，有啲友善打招呼，頓時令到呢個鴨仔團掉返轉「被參觀」。究竟呢位成員係邊個呢？咪就係青聯常務副主席霍啟剛（右三）太太郭晶晶（右二）囉！當日晶晶做跟得夫人去湊熱鬧，同行仲有青聯主席葉振都（右五）、副主席黃夢瑩（右一）、鄭重科（左三）、郭永亮（左一）、林亨利（右四）及楊全盛（左二）等人。
