城巴冷氣「凍到入骨」
巴士空調溫度過低，令乘客「凍到震」！每日均由葵涌邨乘搭城巴930線到灣仔工作的林先生表示，近日天氣持續翳熱，候車期間已汗流浹背，惟甫進巴士車廂卻有如進入冰箱，「車廂同外面溫差咁大，（乘客）好容易攝親！」林又指車廂溫度過低，數分鐘已感到寒氣入骨，要求城巴改善。
城巴發言人稱，該公司全線巴士均設有自動恒溫系統，令空調溫度維持於適當水平，亦會定期檢查每輛巴士，確保空調系統運作良好。就上述個案，發言人指工程人員已檢查有關車輛，結果顯示車輛空調溫度正常，但亦會繼續密切留意有關路線的空調運作，以提供舒適服務。
「如果凍成咁都叫做正常運作，咁個『恒常溫度』係咪定得太低？」林先生要求城巴就車廂溫度再作檢討，進一步提升服務水平之餘，同時為環保出一分力。