春秧街店舖阻路惡化
「呢度明明係馬路，但就擺滿晒檔攤同貨，仲擺到去電車軌，食環署點做嘢o架？」北角街坊李先生指春秧街一帶店舖及排檔阻街情況持續多時，近年更趨嚴重，不滿食環署未有落力打擊，又指各商戶「擺下出啲、擺下又出啲」，令街道混亂不堪。
當區區議員洪連杉坦言，食環署多年來執法成效令人既憤怒又失望，「唔好話市民投訴，我都想投訴！依家條行人路幾乎冇位行，啲商戶連馬路都霸埋，造成衞生問題，亦影響交通！」洪又稱已多次向食環署反映，惟一直未見改善。
食物環境衞生署發言人指出，該署一向關注上址店舖及排檔阻街情況，除日常執法外，亦積極參與跨部門聯合行動。本年至今共接獲三十多宗相關投訴，並對違規店舖及排檔作出一百二十宗檢控。發言人強調會繼續留意上址情況及採取適當行動。