政情:公民講場:終衰一認 漢波藉口多

政府於四月底宣布嘅南丫島海難事故調查報告中,斷定海事處監管不力,死難者家屬及各界都強烈要求該處處長廖漢波即時就事件道歉,但佢一直都唔肯認衰。直至尋日佢出席立法會一個會議,先至鞠躬致歉,距今遲咗成個月。有人問廖漢波點解咁遲先道歉,佢話要考慮到各方面可能會產生嘅問題,以及要諮詢包括法律上嘅有關意見。講咁多漂亮理由,到最尾咪又係要鞠躬!既然係咁,點解唔一早出嚟道歉呢?