花膠滋陰養膚女士珍品

中大食品研究中心為本報檢驗兩個花膠樣本。

蛋白質豐富 易轉化脂肪

註冊中醫師關德祺指出，花膠主要功效為滋陰，令皮膚變得光滑亮澤。「常講嘅陰，其實係一種營養物質，女士尤其需要陰，多食花膠，對於內在調理好有幫助。」關稱，「陰」不夠的人士會易虛火、頭暈，甚至患上胃潰瘍等問題。他表示，花膠不算中藥，用作食療配方，效果更佳。

食家梁文韜（韜哥）表示，花膠成分主要為膠原蛋白，能幫助高齡產婦的子宮和跌打損傷的患者骨骼加速復原。他稱花膠易煮且美味，「靚花膠例如鰵魚膠最好整花膠扒；普通啲用花菇或蟲茸燉花膠都唔錯，不過記住唔好加火腿，如果唔係味道會失真。」

市民反應 楊小姐（學生）：「連ＤＮＡ都驗唔到？係咪食得都唔知！會叫媽咪去信譽良好嘅海味店買花膠。」

徐先生（工程）：「花膠係有平有貴，但我哋都有權知道食緊咩！有關部門最好監管包裝要列明來源地同魚種。」

健康顧問高級營養師黃凱詩指，花膠含有豐富蛋白質，雖然本身脂肪含量不高，但太多蛋白質有機會轉化成脂肪，而且花膠不屬於低卡路里食品，故此黃建議市民切勿過量進食。