【本報訊】劣質花膠充斥市面，業內人士批評「一百幾十蚊」一斤的花膠有可能是多種物質混合，而非純正魚肚；立法會議員則促請有關部門應加強巡查，杜絕假花膠於市面魚目混珠，欺騙消費者。
「一啲好似煙頭、手指甲咁大嘅魚肚，溝埋打碎嘅牛皮、豬皮之後，再用天拿水同埋木膠粉撈埋一齊加工，再『啤』出所謂嘅花膠！剪到碎晒賣一百幾十蚊囉！」業內人士陳煥章指出，真花膠最平亦要四、五百元一斤。他直言，經過多重「炮製」的假花膠驗不出屬魚類DNA也是正常。「既然為補身，就要買啲靚嘅花膠啦！」他呼籲市民便宜莫貪。家庭醫生關嘉美表示，天拿水及木膠粉均為工業用化學品，進食經加工的花膠可導致食道及腸胃灼傷，化學品亦可能經肝臟而破壞其他器官，「即使少少都不應該食，慢性攝取都可能有致癌風險！」
「市民長期食緊咩都唔知喎！」立法會議員王國興批評，售賣疑似假花膠的商店置市民健康於不顧，他們更有可能違反《商品說明條例》及《衞生條例》，促請海關和食環署等有關部門加強檢控。王建議市民應到信譽良好的海味店購買海味，如發覺產品有問題，必須立即舉報。