本報化驗 樣本無魚類DNA 假花膠通街賣

煲一個鐘「啲花膠溶晒」

「一打開個煲蓋，啲花膠溶晒，食咗都唔知有冇害！」盧先生早前於大埔富善街市臨時攤檔購買每斤三百五十元的花膠，並用來煲湯，豈料只煲一小時，花膠就完全溶化。盧曾返回有關攤檔追討，惟已不見攤檔蹤影，他擔心花膠質量，遂交予本報跟進。

近年市面湧現平價花膠，價錢由每斤數十至逾百元不等，以花膠粒、花膠頭、特價花膠片之名出售。記者於上環的海味店以七十八元，購買一斤「越南花膠粒」；又在旺角彌敦道一藥房，以八十八元購買一斤聲稱來自巴西、已包裝好的花膠，連同盧的花膠，一併交予香港專業教育學院食物及營養科學課程主任方麗影檢測。

真花膠具有肌肉紋理組織，表面光滑完整。

真假花膠比較

「三個樣本好大機會係假貨！」方透過酸鹼值測試機，驗出「越南花膠」和「巴西花膠」含微鹼性，而盧購買的花膠屬中性。方指出，若花膠為仿製品，通常會浸鹼水以改變蛋白質結構，令質地變得鬆軟有彈性，提高仿真度。

浸泡一日的「巴西花膠」發得似豬皮，水變得非常渾濁和油膩。	三款疑似「假花膠」樣本。	店員建議記者若自用，應購買較貴的花膠，才有保障。
盧先生購買了三百五十元一斤的花膠，煲湯一小時後即全溶於水中。	從多方面檢驗，方麗影認為「巴西花膠」似魚皮多於魚肚。

三個樣本經冷水浸泡一日後，外形變得「不尋常」。「越南花膠」和「巴西花膠」變得既散又軟身，脹大約四倍，外形似霉爛豬皮，表面凹凸不平，有濃烈的油膉味和刺鼻的腥味，浸泡的水變得渾濁和浮出油漬；盧的花膠雖然質地仍然堅韌，卻像魷魚般「攣成一舊」，發出濃烈腥味。

非常油膩 疑炸魚皮製成

「『越南花膠』和『巴西花膠』好大機會係經油炸過嘅大魚魚皮，所以好油膩，真花膠表面光滑完整，唔會好似呢兩個咁一忽厚、一忽薄。」方麗影手執盧的花膠，同樣搖頭道：「好大腥味！呢個雖有肌肉組織，但過分堅韌！」她憑初步檢測，斷定三樣本均非花膠。

本報記者另將「巴西花膠」（樣本一）及盧的花膠（樣本二）交予香港中文大學食品研究中心測試，發現盧的花膠檢測不到任何DNA。該中心主任關海山解釋，盧的花膠可能曾接受破壞性強的加工程序，令DNA完全受損，但他不排除此樣本可能不屬花膠，或非海產類生物。至於「巴西花膠」，經過DNA序列分析和比對海味數據庫後，發現與類似鯰魚類幾乎完全相同。鯰魚類種類繁多，不少為普遍食用淡水魚，但方麗影不排除該樣本為鯰魚類的魚皮，非用以製成花膠的魚肚。

店員自爆 內地人貪平買

記者當日在購買花膠的時候，曾經向店員追問花膠真偽時，其中一店員說：「呢啲係內地人貪平先買，自己食就唔好買呢啲，買返去會畀（屋企）人鬧！」兩店店員均建議記者，若自用，應購買貴價貨。店員的言行，令人懷疑他們可能早已知道平價花膠質量有問題，甚至是假貨。

消費者委員會發言人指，花膠屬較多人投訴的海味類別，由去年至今年四月，共收到七十宗有關花膠的投訴，當中五宗懷疑買到假貨，聲稱花膠如橡筋般堅韌，或煲湯後變成漿糊狀。

香港海關發言人回覆，由去年至今年四月，共接獲五十七宗涉及懷疑假花膠投訴，四十二宗已完成調查，並未發現有違反《商品說明條例》，餘下十五宗仍在調查中。根據《商品說明條例》，出售或供應附有虛假商品說明的貨品，一經定罪，最高可判罰款五十萬元及監禁五年。

記者陳淑珍、李子輝