探射燈：孔雀石綠令動物基因突變

內地於數年前曾爆發孔雀石綠毒魚事件，淡水魚曾一度停止供港。

香港大學化學系副教授馮應昇指，孔雀石綠是一種化學物質，多用作藥劑或常用染料，亦具殺菌作用。他估計，漁民在運送魚類時可能「酌量」使用孔雀石綠，以免魚類在過程中「撞傷」後受到感染。

就內地再有淡水魚被驗出含孔雀石綠，血液及血液腫瘤科專科醫生區永仁表示，跟據醫學實驗結果顯示，孔雀石綠會令到動物的DNA產生突變，其中對肺部及肝臟的影響最嚴重，除會破壞肝臟，亦會引致肺腫瘤，「雖然未有病例顯示孔雀石綠對人體嘅影響有幾大，但係好多實驗都已經證實咗孔雀石綠會令到動物致癌。」

區永仁	兩地民眾點睇：香港市民 陳小姐（零售）：「屋企人好少食魚，唔太驚有孔雀石綠，因為依家仲係內地有事，未殺到落嚟。」	李女士（家庭主婦）：「唔會為咗避免孔雀石綠而唔食魚，幫襯食開嗰檔就有信心。」

深圳市民 田小姐（商人）：「內地食品一向不安全，日後出門吃飯會到信譽良好的商店，買魚也會到大型超市。」

Cindy（貿易）：「驚都冇辦法，有毒食品真係防不勝防。政府部門要多啲監察，加強力度打擊黑心商人。」