魅力發送點止於胸
美國著名影星安祖蓮娜祖莉因為有家族遺傳乳癌基因，為咗唔想因癌離世而遺下6名子女，所以果敢地將一對乳房切除，如此母愛實在偉大。澳門利澳水療嘅小靜對此亦擊節讚賞，認為佢嘅行為可為魅力兩字重新定義之餘，更表示女人嘅魅力唔單止在於胸部，人性魅力亦難能可貴。
魅力定義
對於胸奴男嚟講，索女嘅定義在於佢對車頭燈夠唔夠大，若然貧乳嘅話便會斷言佢冇女性嘅魅力。不過小靜卻話經過呢件事後，胸奴迷對魅力嘅定義應該要改寫，佢解釋：「雖然胸前偉大嘅女士確係可以畀到男士極大嘅視覺刺激，但若然以為女人嘅魅力僅在於胸部嘅話，呢個係一種好膚淺嘅睇法。」小靜甚至認為唔應該只係聚焦喺樣貌、腿部、臀部等身體部位，更多嘅應該在於女士性格嘅魅力。小靜表示：「事實上，不論男女都應該講求內在美，而呢種美先至係永恒不滅，同埋唔會隨時間推移而消磨。我覺得一位擁有內在美嘅女士，佢嘅魅力比外表更吸引。」
物以類聚
雖然小靜講嘅道理相信冇邊個會反對，但現實中男人係膚淺嘅，你叫佢哋喺選美時慢慢研究囡囡嘅性格，先至再決定入手，都好花時間啫！小靜聞言便大笑道：「所以話你哋啲男人真係膚淺，我頭先講緊嘅係搵老婆，點知原來你一直都諗緊溝女。不過聽到你咁講，令我諗起一句說話，就係『物以類聚，人以群分』。我覺得如果囡囡先天有內在美嘅話，同樣擁有內在美嘅男士一定可以感受得到。就以我自己為例，我啲前男友個個性格都好好，可能因為我有內在美嘅緣故啩！」
小靜小檔案：
身高：5呎3吋
三圍34、23、34