康文署派免費飛 疑不均
陳小姐早前到西灣河文娛中心為母親索取免費演唱會門票，準時九時正抵達，當時已有數名市民排隊輪候，「我見個職員派咗畀第一個（輪候者）之後，就成疊飛畀晒排第二、三嘅人，後面嗰啲就冇得拎，咁做法真係唔公平！」陳直斥康文署安排有欠公允，要求當局徹查並交代事件。
康樂及文化事務署發言人表示，西灣河文娛中心當日公開派發一百張不設劃位的門票，以一人一票形式於早上九時開始派發。發言人指當日輪候人士數目不多，每位輪候者均獲發門票，並於九時十分派發完畢。發言人強調，該署一向以公開、公平原則派發門票予公眾人士，並已提醒及要求負責員工遵從工作指引及守則，亦會加強監管前線職員工作。
「嗰朝排隊嘅人的確唔多，但絕對唔係人人都拎到飛！」陳小姐質疑康文署的回覆與事實有異，又指事件經傳媒轉介後已獲改善，其後再到文娛中心輪候免費門票時已能順利獲取足夠數量門票。