無牌小販「賣鴨」無王管
萬人迷黃色巨鴨瘋魔全城，每日專程到尖沙咀碼頭的「鴨粉」不計其數。周先生日前發現有小販趁機「抽水」，涉無牌販賣橡膠鴨玩具，「幾個小販拎住啲鴨仔不斷向途人兜售，但就一個執法人員都冇，呢啲係咪叫失職？」周不滿當局巡查不足，要求加強執法，以遏止違規行為。
斥食署執法欠積極
食物環境衞生署發言人表示，職員近日於上址一帶巡查時，發現有六名人士無牌販賣橡膠鴨玩具及飾物，已根據《公眾衞生及市政條例》及《簡易程序治罪條例》提出檢控。發言人補充，任何人士違反《公眾衞生及市政條例》的最高刑罰為罰款一萬元及監禁六個月；違反《簡易程序治罪條例》則可被判罰款五千元及監禁三個月。
「(食環署)咁都叫有做嘢？有巡嘅話點解仲有無牌小販日日喺度賣鴨仔？」周先生直斥食環署職員巡查時「隻眼開隻眼閉」，未有積極執法，要求作出檢討。