渡海濠情:有型有格使乜拉客!

日本新宿嘅歌舞伎町係夜遊人士必到嘅勝地,由於競爭劇烈,風俗店必定派員落街拉客,過千間店,就有過千人喺街上拉客,你都咪話唔嚇人,所以當局立例禁止一切拉客活動,而嚟自十八桑拿嘅小雅,都表示十分贊成。

從中取利

小雅話:「我最怕去食街食飯,因為每走過一間店,例必有人出嚟拉住你,猛話呢間店又平又好食,你好辛苦咁甩咗佢,下一間店又嚟一個,如果打算去街尾嗰間食飯嘅話,你行到去都已經筋疲力盡,仲未計浪費嘅時間,所以你話以後都嚴禁拉客,咁就一天都光晒,除咗食街,有時出機場或者火車站,亦有好多『蛇仔』,猛咁游說你搭佢哋架車,要甩佢哋,要花不少工夫,唔怕話畀大家知,佢哋全部都唔係司機,呃咗你去停車場,就會賣畀另一個司機從中取利。」

青春無敵

冇人幫手拉客,生意會唔會受影響o架?小雅話:「起初做髮廊時,老闆養咗大班人上街拉客,嗰陣時覺得拉客好重要,後嚟入咗大場返工,見佢哋冇人拉客,仲擔心會唔會生意冇咁好,點知唔使拉客,照樣可以做到冇停手,所以話只要有實力,根本唔使拉客都有大把人嚟捧場,相反,你冇真材實料,兼且有啲想偷雞摸狗嘅意圖,你至會要人盯人咁去拉客,以我咁有實力,當然唔使做啲咁嘅嘢啦!」小雅青春無敵,身材惹火,確實唔使拉客,都大把人爭住捧場。

小雅Profile  

年齡:20歲

三圍:34-23-34

撰文:小德

攝影:阿程