「貪曾」前特首曾蔭權爵士同佢「愛將」前廉政專員「貪湯」湯顯明，同樣捲入貪腐醜聞被全城狂轟，點知佢哋連「扮慘情，博同情」嘅招數都同出一轍！話說貪湯日前被立法會帳目委員會公審後，面對記者追問佢任內濫用公帑宴請同送禮醜聞時，扮頹講嘢口窒窒不特止，仲要哽咽谷極都谷唔出眼淚。如果大家心水清都會記得，喺一年多前捲入「曾商勾結」嘅貪曾，都先後兩次扮喊道歉博同情，但屎戲到谷唔出眼淚。二人扮喊冇眼淚咁屎戲，搵電影《喜劇之王》入面藝人吳孟達飾演嘅臥底場務鬧吓佢哋就啱喇！
