廢棄電單車阻路多年
沙田城門河畔近大圍香粉寮街路旁有電單車遭棄置多年，部分金屬已呈生銹，銹迹更隨雨水滲入泥土，居民岑女士擔心影響附近環境，半年前已透過1823政府熱線投訴，當時曾獲警方回覆，表示會作適當處理，未料事隔多月電單車仍原封未動，「呢幾架電單車放咗喺度起碼兩年，日曬雨淋都冇人理，投訴咗都一樣冇人理！」
警回應不屬執法範圍
警方發言人以口頭回應事件時稱，經翻查紀錄後發現有關電單車為棄置物，不屬於警方執法範圍，已將個案交由地政總署處理。地政總署發言人則說，接獲警方轉介後已隨即到場視察，發現上址有三部電單車遭棄置，職員曾張貼通告要求有關人士移走電單車，惟限期過後仍未有人移走，已安排承辦商清理。
居民轟部門漠視投訴
「我投訴咗都大半年，佢哋都唔做嘢，唔係搵《東方日報》我諗佢哋都唔會清走啲電單車！」岑女士不滿有關部門漠視市民投訴，要求當局加強工作效率。