潮整八重齒 好牙煙

整容風氣愈趨熾熱，除了整靚樣貌，連牙齒都要整容。不過，牙齒整容並非要將牙整得齊整，反而是將齊整的牙，整成「齙牙」。在日本東京，近年就有牙科整容診所提供一種稱為「八重齒」的「齙牙」整容服務，所謂「八重齒」即短而尖的齙牙，每隻手術收費約三千港元。

將牙齒挫細 無得返轉頭

這股整容奇風更吹至本港和內地，記者早前到深圳東門視察，發現當地多間牙科整容診所，都有提供這種最潮的牙齒整容服務。記者佯裝顧客到一間診所查詢「八重齒」整容，該名牙醫表示，手術過程十分簡單，只需先倒牙模，再訂造假牙，等假牙送到後再到診所將牙齒黐上便可，「一黐就可以維持二十年，手術完成後可以立即進食，不會掉的，很安全。」而整牙價錢由三百至六千五百元人民幣不等，視乎假牙物料而定。

手術前 「八重齒」整容只需在犬齒上黐上小假牙，圖為手術前後的差別。（資料圖片）

手術後

該牙醫講解時從抽屜拿出牙模及牙套示範，「就這樣將假牙黐在犬齒上就可以了，不過需要削一下本身的牙齒，不用另外加錢，全包的，想做的話隨時來找我就可以。」惟其擺放牙科手術用具的抽屜，凌亂不堪，衞生存疑。房內設施亦十分簡陋，只有一張手術椅，亦無展示醫生的專業資格證明，令人擔心是否有專業資格。

診所負責人聲稱，「八重齒」整容過程十分簡單，而且效果能維持廿年之久，更拿出假牙講解。	港女星點睇：官恩娜 「我覺得棚牙整齊先係靚，為咗整齙牙要破壞牙齒組織始終唔係幾好，我自己就唔會做。」	岑麗香 「其實棚牙整唔整齊都無所謂，我都唔抗拒整八重齒，最重要係笑得靚。」

除了到內地幫襯，有港女索性直接找本港牙醫「整齙牙」。「曾經有客人搵我整，但因為做牙套要『車』細本身啲牙，無得返轉頭，我都勸佢哋唔好做。」香港矯齒學會秘書陳鎮揚又指出，「齙牙」主要成因是牙床骨面形不對稱，屬先天牙齒問題。如要「整齙牙」則要先磨細牙齒，惟事前要先進行局部麻醉，過程又要專業技術配合，只有受過專業訓練人士才能安全為客人磨牙，否則存在風險：「『車』牙真係要好小心，如果『車』得太深的話，會刺激到牙心入面嘅神經，一旦有細菌入侵就會牙發炎，可能要剝咗隻牙。」

手術風險高 易細菌感染

牙齒矯正科專科醫生莫重偉指出，將整顆假牙黐在犬齒上，必須用牙科專用的固定劑，雖然經測試對人體無害，假牙仍有掉落的危機，「假牙嘅範圍比較大，比較難將佢固定喺另一隻牙上面，所以一咬嘢食隻假牙就好容易會甩出嚟，如果跌咗落氣管就可大可小，萬一有細菌感染就會發炎。」

衞生署發言人亦指，手術過程有可能對牙質造成永久損傷，引致蛀牙、牙齒痠軟及牙肉發炎等口腔問題，對牙齒咬合造成影響，若假牙鬆脫，亦有可能跌入氣管而阻塞呼吸氣道，甚至死亡。

專案組