「貪湯」前廉政專員湯顯明濫用公帑宴請同送禮醜聞，自曝光以來被全城狂轟，立法會政府帳目委員會明日率先公審貪湯任內嘅反腐倡廉開支。貪湯嘅貪腐醜聞罄竹難書，任內瘋狂外訪浪費公帑、送禮唔使本等指控俯拾皆是，七名帳委會成員必定會旁徵博引打爛沙盤問到篤，換言之乜都問一餐嘅機會極高，相信貪湯避無可避下隨時鬼拍後尾枕。睇怕貪湯受審前夕必定震騰騰，更可能日有所思，夜有所夢，而且噩夢連連，如果真係嘅話，就只能嘆一句「自作孽不可活」！
