政情：今日你上鏡：邊個至係傻？

港鐵尋日喺九龍灣國際展貿中心舉行周年股東大會，財經事務及庫務局局長陳家強以港鐵非執董身份出席，立法會議員梁國雄（長毛）就聯同十幾人到場示威，批評港鐵每年賺大錢但無視市民負擔，要求政府立即回購港鐵。長毛仲用智能手機「拍低」啲示威片段，當陳家強到場時，長毛就一邊「拍攝」一邊追住叫陳家強「回購港鐵」。雖然長毛不斷叫「傻強」「望住鏡頭」，但陳家強當然睬佢都傻啦，頭也不回咁行入會場。不過，呢個時候大家就發現長毛全程都冇撳錄影掣，如夢初醒嘅長毛惟有無奈話：「慘囉，頭先嗰啲錄唔到！」（陳章存攝）