回收車「擺檔」阻塞馬路礙行人
洪先生居於大圍顯徑邨，發現顯和里常有貨車停泊並且經營回收生意，對行人及駕駛人士均構成影響，「成日擺晒一車車紙皮、鐵罐咁喺條路度，搞到我哋要行出馬路，嗰架（回收）車日日都泊喺馬路邊，點解都冇差人嚟抄牌？」洪指上址毗連警署，質疑警方對問題「隻眼開隻眼閉」。
警方發言人承認，過去一年共接獲七宗相關投訴，強調一向關注區內違例泊車或車輛阻塞情況，亦一直有派員到上址巡查及處理違例交通問題，將繼續根據「靈活執行交通法例政策」，採取適當的交通執法行動。
「架回收車都仲係日日泊喺度，（警方）收到投訴又唔做嘢，咩『靈活執法』，講到尾咪即係唔做囉！」洪先生坦言不滿警方的回應，直指違泊情況毫無改善，要求警方正視問題，嚴厲執法。