疑有水警濫權任文職多年惹同袍不滿！本報近日接獲投訴，指水警分區基地有高級警員逾十五年來一直擔任文職工作，毋需按編制進行船務工作，亦未有調往其他警區，對其他水警極為不公平，「佢長期返朝九晚五，唔使返通宵更，又唔使着制服，我哋投訴過，但係上頭都唔做嘢，好多兄弟都睇唔過眼！」
警方發言人解釋，在特殊情況下，個別人員例如健康欠佳可獲暫緩調職安排，時間的長短則視乎個別情況而定。發言人說，水警的工作大致分為船務與非船務，人手調配將按水警總區指揮官常務訓令而制訂，以規管各個工種任期。制訂調職安排會根據實際行動需要、工作連續性、人員的職業發展和人力資源等而定。
「佢四肢健全，十幾年嚟都冇大病痛，有冇暗病我就唔知，淨係知佢同啲高層好熟！」投訴人坦言早已預料警方有此回應，惟仍希望部門能正視問題，以免影響士氣。