政情：李嘉誠捐2.4億助科研
長實集團主席李嘉誠尋日親臨英國牛津大學，與英國首相卡梅倫（David Cameron）為全球首個「大數據」科研基地主持開幕禮。李嘉誠基金會今次捐資二千萬英鎊（約二億四千一百萬港元）成立「李嘉誠健康資訊及研發中心」，而英國高等教育資助議會亦斥資一千萬英鎊，一齊透過大數據研究及更佳嘅藥物開發，將英國醫療保健發展推進至最前端。
赴牛津與卡梅倫主持開幕禮
李嘉誠健康資訊及研發中心將專注發展「大數據」新興領域嘅科研基地，主力研發健康科研領域革命性變化嘅潛力，為病者提供更佳、更安全和更個人化嘅治療方法。李嘉誠喺揭幕禮致詞時話，大數據革命不單只係可以改善生活嘅大學問，目標係要提高醫療服務水準之餘，同時要減輕醫療成本嘅負擔。李嘉誠同卡梅倫會面時又談到英國嘅科研教育改革方向，卡梅倫相信有關中心可以為英國嘅醫學科學同醫療保健帶來革命性發展。