新民黨主席葉劉淑儀早幾日拉大隊到北京，參加國家行政學院舉辦嘅國情研習班，上八日堂即可速成畢業。葉太嘅愛女葉榮欣（Cynthia）自上年加入新民黨擔任策略主任後，今次亦有隨行，仲義務充當攝影師，幫一眾黨友影相添。不過，唔好以為留學美國嘅Cynthia必定擁有鬼妹仔性格，唔介意影相，原來葉太想拍攝愛女嘅工作花絮佢都怕醜，惟有將囡囡揸機嘅遮面「英姿」上載社交網站。葉太又提到，今次嘅速成班除咗了解內地經濟、國防，連儒學都有得學添。
（互聯網）