荷蘭概念藝術大師霍夫曼（Hoffmann）設計嘅黃色橡皮巨鴨（Rubber Duck）終於游來香港，為此掀起一陣觀鴨熱潮。而身兼西貢區議員嘅新民主同盟立法會議員范國威（Gary），就食住呢個勢搞咗個地區「親子鴨仔團」，行程係睇完巨鴨再帶街坊去食片皮鴨，仲搞咗個抽獎送鴨舌添！
不過，有網民就批評Gary，話佢帶啲小朋友睇完巨鴨又去食鴨，做法好殘忍，鬧佢唔尊重鴨嘅生命咁話。Gary見到網民嘅意見後就話得啖笑，仲反駁話︰「唔通喺海鮮酒樓出面睇完龍躉同鮑魚，入到去就唔食魚咩？」（互聯網）