政情2.0：今日你上鏡：話梅見光
立法會審議財政預算案嘅拉布戰持續，班議員都想盡辦法鬆一鬆，有啲趁響鐘召集議員開會期間歎茶，有啲就織冷頸巾。不過，最奇嘅就係進出口界黃定光（象哥），我哋見佢喺會議廳內拎住包零食，但會議廳唔准食嘢o架喎。象哥話，嗰包係同事為佢準備對抗拉布嘅提神話梅，本來買咗一磅，但同啲老友分甘同味，話咁快就分晒喇。咁咪即係喺會議廳內食嘢？象哥就話，有含住粒話梅嚟提神囉！其實偷食都好嘅，否則瞓着覺被人影到仲弊呀！
立法會審議財政預算案嘅拉布戰持續，班議員都想盡辦法鬆一鬆，有啲趁響鐘召集議員開會期間歎茶，有啲就織冷頸巾。不過，最奇嘅就係進出口界黃定光（象哥），我哋見佢喺會議廳內拎住包零食，但會議廳唔准食嘢o架喎。象哥話，嗰包係同事為佢準備對抗拉布嘅提神話梅，本來買咗一磅，但同啲老友分甘同味，話咁快就分晒喇。咁咪即係喺會議廳內食嘢？象哥就話，有含住粒話梅嚟提神囉！其實偷食都好嘅，否則瞓着覺被人影到仲弊呀！
