平等機會委員會（平機會）歷屆主席屢爆出爭議或醜聞，包括王見秋上任後被揭發任職法官時收受富商免費機票風波；而另一前主席鄧爾邦在任時亦被審計署揭發亂使公帑同瘋狂外訪。點知到近期新上任嘅前高官周一嶽（周一鑊），亦加入平機會主席嘅醜聞大軍行列，前日出席活動時竟公然收取主辦機構送出約值一萬元嘅最新型號手機連兩年月費合約禮物，即使佢話會捐畀同事做抽獎，但事實上已代表平機會收取商業機構利益，政治敏感度極低，佢係咪仲適宜繼續做主席呢？
