綠色先鋒：綠飾影匠
往昔換菲林，現在換相機，攝影彷彿是環保的死對頭，一直製造大量廢物。有電影從業員和專業攝影師目睹行業的浪費，收集棄置菲林再造飾物，或回收二手相機供小朋友學習攝影，他們堅持環保信念，延續光影生命。
「依家upcycle（升級再造）大行其道，所以我將菲林升格為飾物同擺設。對我嚟講好有感情，好似延續緊佢哋（已用菲林）生命咁，而我都貫徹住環保態度！」菲林飾物手作人「加菲」曾當製片助理實習生，那時電影拍攝往往消耗大量菲林，當遇上菲林快被棄置時，她總不厭其煩查詢可否取去，她笑言當時純粹基於「唔想嘥」的念頭，數年間就儲了一箱棄置菲林。
直至兩年前，加菲嘗試用菲林摺成玫瑰花狀的耳環和項鏈送朋友，並且大獲好評，她遂「膽粗粗」參與手作市集，「啲貨一日已經賣清光，嗰晚我即刻通宵趕工，估唔到大家咁喜歡！」她回想起來亦不禁哈哈大笑，為銷情理想既驚喜又自豪。目前，除了各式各樣的飾物，還有書籤、筆筒、走馬燈等菲林新製品。細心一看，從每格菲林中可以看到不同影像，加菲坦言製作時會勾起回憶，畫面恍如在腦海中重生，菲林亦在她手中「卷」土重來。
回收相機贈基層兒童
「嗰時送咗部相機畀朋友個仔，跟住靈機一觸，覺得可以回收二手相機畀有需要嘅人。」Laurence是本港著名攝影師，亦是慈善團體的資深義工，自○八年起發起二手相機回收計劃，將回收的相機贈送本港基層兒童，並招募年輕義工為兒童提供免費攝影工作坊，同時提高環保意識。
他坦言，首次計劃只收到廿多部相機，但今次計劃已回收逾百部二手數碼相機，當中不少簇新的半專業級相機，令獲贈的兒童愛不釋手。「依家啲人成日要追新款，舊款賣出去一係唔收，一係得兩三百！」科技日新月異，都市人密密換相機，結果舊款相機不是被打入冷宮，就是慘遭遺棄，尤其是受父母百般遷就的新一代，物質享受往往來得太過容易，以致不懂珍惜，他希望透過活動提醒人可用則用，減少浪費，「資源唔應該浪費，可以重用就要重用！」
記者陳淑珍、馬鳳玲