不甘寂寞嘅「民主阿婆」前政務司司長陳方安生日前吹雞，召集民間策發會嘅港英舊電池，成立「香港2020」政改平台，借拉攏商界推動政改為名，妄想同中央溝通為實。不過，呢位成日自稱做事光明磊落嘅港英餘孽第一梯隊，竟然堅拒透露有關平台嘅資金來源，只聲稱唔會接受境外捐款，相當弔詭。
有頂佢唔順嘅網民，就製作一張名為《香港異靈異靈之不詳的神秘資金》嘅電影海報，謔稱平台新名「異靈異靈」之外，亦狠批民主阿婆陰魂不散，更形容「四萬一笑，心驚膽跳」，背景再配以幾個鬼魂附身面孔，真係驚嚇度滿分。照咁睇，民主阿婆轉行拍鬼片好過啦，唔使化妝添呀！（互聯網）