無辜遇襲 兇狠攞命
【本報訊】「佢哋簡直係想攞命！」姓侯港生形容兇徒出手兇狠，「都唔知乜嘢事，當時同朋友傾偈飲嘢，無辜辜就畀佢哋又爆樽又斬又打！」他和姓李香港學生均指，對遇襲感到莫名其妙，同時擔心兇徒會再報復，希望公安盡快破案，將兇徒繩之於法。
侯稱，事發前曾有身穿校服的男生「盤他」是否認識某人，他回應不認識，疑事件與此有關。侯說：「我連着校服個人都唔識，唔知點解就畀佢哋斬！」他稱受傷後「頭仲暈，想嘔」，要請假無法回港上學，「唔知幾時先返得學」，擔心學業追不上。
「好驚兇徒搵我哋尋仇」
至於遇襲的李童稱：「我依家好驚佢哋（兇徒）入村搵我哋尋仇！阿爸阿媽叫我唔好出街！」「我都唔知發生乜嘢事，真係無辜辜！希望快啲破案，破案捉到人我就唔使驚。」另外兩名同告遇襲的內地男生表示，連續發生兩宗案件，警方還未破案，望警方火速破案保護學生的安全。
目擊血案的士多店台灣籍老闆鄭先生表示，兇徒下手十分狠，一度衝入其店內想拿酒樽等作武器打人，被他喝止。鄭又指，羅芳村治安一直很差，經常有人打架，但像拿刀斬人的打鬥，他還是首次見到。羅芳村內一間學校的方姓學生亦指，老師日前曾向他們提及有其他學校學生在村內被打，叫他們上放學要小心，最好結伴而行。