綠巴擅改路線 乘客不滿
行走屯門市中心及富泰邨的46號專線小巴會途經新墟，不過，鄧先生日前於屯門市中心乘車時，卻發現司機並未按指定路線行走。「有對夫婦同我一齊上車，問司機經唔經新墟，司機竟然鬧佢哋唔睇站牌，但係我記得站牌寫明係經（新墟）！」鄧指當日司機最後仍堅拒駛經新墟，令乘客無法於該站下車，「個司機居然話上夠客就唔會去新墟，有冇搞錯？」
運署回應不符事實
運輸署發言人表示，接獲本報轉介後曾派員於下午繁忙時段調查，發現有部分司機未按指定路線行駛，遂向營辦商發信，要求嚴厲訓示司機必須按規定路線行駛，獲營辦商回覆承諾加派站長值班，以監察司機表現。該署其後再次於新墟一帶突擊巡查，並無發現上述違規情況。
「呢條線我日日都搭，根本就冇改善過，新墟個站頭成日都排長龍，等好耐都冇車嚟！」鄧先生質疑運輸署的回應與事實不符，要求當局繼續跟進事件。