屋邨聚賭猖獗冇人理
粉嶺華明邨居民李先生發現，屋邨停車場對出空地常有多人聚賭，多年來均未見管理公司介入處理，「日日都有班人喺度賭，一直都冇人趕，仲愈嚟愈多街坊買完餸都行過去賭幾鋪，真係教壞細路！」李指屋邨管業處辦公室雖近在咫尺，職員卻長期視而不見，要求警方介入，加強打擊不法行為。
稱三個月無投訴
華明邨管業處發言人稱，過去三個月未曾接獲有人聚賭的投訴，亦沒有相關統計數字。
不過，警方發言人卻證實，已知悉上址有非法賭博活動，過去一年曾於該邨進行十二次反非法賭博行動，拘捕九名涉嫌「在賭博場所以外地方賭博」人士。發言人提醒市民，如發現有人於上址聚賭，可致電上水警署舉報。
「啲人圍埋賭錢嗰個位，同管業處個辦公室差唔夠十步，如果佢哋係有心處理問題，又使乜要收到投訴先做嘢？」李先生直指管業處對邨內聚賭歪風視若無睹，有推卸責任之嫌，要求從速檢討，做好屋邨管理工作。