美食當前，愛靚嘅女士要抵擋誘惑真係唔容易。話說向來愛靚嘅「頭箍小姐」財經事務及庫務局常任秘書長區璟智，尋日中午到中信大廈商場一間咖啡店買咖啡時，就忍唔住外賣一件朱古力蛋糕返辦公室大快朵頤。區璟智話，雖然佢冇刻意減肥，但公務應酬較多，唔想體重增加，惟有於日常飲食上加以節制，仲形容今次食朱古力蛋糕係味蕾放縱一次咁話，睇嚟佢食呢件蛋糕都有幾大罪惡感喎。
（徐家浩攝）
