社民連同人民力量四位立法會議員拉布拉上癮，計劃喺下星期立法會就財政預算案提出數百項修訂，但泛民主派政黨就表明唔撐，仲會撤回早前提出嘅修訂以示清白，增加拉布難度。
屆時有可能需要日以繼夜陪坐嘅民記主席譚耀宗（譚Sir）就炮轟議員再以拉布癱瘓政府運作，只會令市民更失望。佢引用民調話，立法會嘅支持度已經夠低，形容係拉布政黨「自己搞衰自己」，暗示拉布議員唔好再搞事佗衰家，免得全體議員一鑊熟！
