標奇立異 議員不滿
敗訴嘅新世界要負擔立法會訟費及長毛四成律師費，即長毛餘下六成律師費要自己搞掂。不過，一向呻窮嘅長毛自知抽水抽出禍，依家要求立法會幫佢找數。
立法會行政管理委員會尋日開會，討論長毛要求立法會幫佢清還六成律師費嘅問題點處理，原來呢筆帳都要成一百二十萬元。有議員就覺得長毛都係履行公職，立法會應該幫佢負擔，但亦有人話係長毛當年自己要標奇立異，「個個自己請律師條數咪好大，咁做仲得掂嘅！」皆因拗咗幾次都冇結果，行管會決定召長毛開會，大家睇吓點樣拆掂佢。長毛回應話，雖然李漢奸筆律師費已經畀咗，但佢都係因為議員身份先惹上官非，冇理由要佢畀錢喎。