店舖阻街 懶理檢控
「間舖成日擺晒啲掃把、水喉之類嘅貨喺條街度，唔單止阻住晒條路，最慘就係成日行過都畀啲貨鈎住件衫！」李先生指荃灣享和街有店舖經常將貨物放置於行人路，日前行經時更險遭貨物絆倒，要求部門加強執法，確保行人路暢通。
食物環境衞生署發言人表示，接獲本報轉介後到場巡查，發現有店舖佔用行人路，經警告後負責人隨即將貨物移走。然而，該署人員在複查時仍發現店舖有阻街情況，遂向負責人作出檢控。
李先生認為食環署檢控欠阻嚇力，要求當局從速檢討現有罰則，「啲舖頭根本當食環署冇到，（食環署職員）一行開咗就即刻擺番晒啲貨出嚟，唔罰得嚴啲、巡得密啲，舖頭永遠都唔知驚！」