港鐵資訊屏常壞 乘客搭車要斷估
港鐵於各個車站皆設有資訊顯示屏，目的為向乘客提供訊息。不過，每日均在深水埗站乘車的黃小姐發現，往中環方向月台的資訊顯示屏已故障逾半年，令乘客無法得悉下一班列車抵達時間，不滿港鐵一直未有維修，「壞咗一、兩日就話小事，依家壞成半年都冇人整，淨係貼張『暫停使用』喺度，點解可以咁冇效率？」
港鐵發言人承認，上址其中一部資訊顯示屏早前出現故障，當時已通知承辦商跟進，由於訂購顯示屏零件需時，現時仍無法提供資訊，重申已敦促承辦商盡快完成維修。發言人又稱，有關月台尚有另一部顯示屏可提供資訊，列車到站時亦會以廣播通知乘客。
「其實都唔止係深水埗站，其他站啲顯示屏都成日壞，好明顯港鐵啲保養做得唔夠好！」黃小姐直指其他車站亦有同類情況，要求港鐵做好維修及保養工作，確保設施運作正常。