政情：廢腑之言：卿姐跪低拿番「揸沙」

港府尋日就立法會選舉論壇安排徵詢立法會政制事務委員會意見，唔少委員都話去年選舉論壇混亂只因參選名單太多，建制派委員就將問題歸咎於參選門檻太低。點知原來民主黨主席劉慧卿都有類似嘅意見，仲話唔少人都覺一百個參選提名門檻較外國類似選舉亦為低。

先嫌門檻太低 「瞓醒」反咬政府

提到門檻，特別敏感，政制及內地事務局副局長劉江華回應話，「讓多啲人有參選權，呢個亦都非常重要」，卿姐先好似忽然瞓醒，「跪低」後即刻拿番揸沙，要求政府承諾對特首選舉門檻亦要持同一原則。