杏花邨滿布天眼 惹反感
杏花邨布滿「天眼」，住戶質疑港鐵侵犯私隱！陳先生入住杏花邨已逾十年，近日才發現屋苑走廊、花槽等多個地點均裝有閉路電視，質疑負責管理的港鐵事前未有諮詢居民，裝設後亦未有作出通知，「數數埋埋幾座已經有五、六個『天眼』，以前都唔覺有，幾時裝咗都唔話畀我哋聽，又冇貼告示出嚟講清楚邊度有裝，咁算唔算係侵犯私隱？」
港鐵稱有告示提醒
港鐵發言人證實，曾於○九年就加裝閉路電視事宜與業主委員會溝通，獲得同意後方作設置，以加強屋苑保安，但強調實施有關措施前已貼出通告，相關紀錄亦會保密。發言人又補充，最近已在屋苑當眼處張貼告示，提醒住戶有關安排。
「投訴咗咁耐，到今時今日都仲未見到有貼告示出嚟，根本就係想敷衍了事！」陳先生認為港鐵有虛應住客之嫌，要求盡快作合理交代。