政情：李漢奸縮完再縮
人稱「李漢奸」嘅民主黨創黨主席李柱銘，連日就自己提出嘅短命政改方案「跪完又跪」，認衰收回方案不特止，尋日仲進一步「龜縮」，辯稱其「方案」事實上只係「分析」，「方案」從此唔存在喇！堂堂一個資深大狀，講嘢唔單止兒戲、鹵莽，自打嘴巴，仲好無賴添，更令人聯想到李漢奸前晚夜會包括壹傳媒肥佬黎在內嘅「搞事四人幫」，究竟傾咗啲乜嘢陰謀詭計？「分析」論又係咪夜會後嘅產物呢？雖然李漢奸否認，但事實確係太巧合喇！
卸責稱瞌眼瞓「分析」
自稱「心靈疲倦」嘅李漢奸連日奔走，企圖為自己嘅鹵莽方案解畫，殊不知愈描愈黑，得罪晒左中右派而淪落至兩面不是人。李漢奸繼上周四早上到中環陸羽茶室密會肥佬黎，疑似商討收回方案後，前晚再同「搞事四人幫」聚會，尋日出席活動即重新定義日前提出嘅跪低方案，其實只係「分析」。佢辯稱當日接受訪問時瞌眼瞓，「只係唔覺意提咗出嚟」，係記者將佢嘅「分析」當成「方案」看待。一句「分析」就將責任卸走晒，認真無賴！
既然「方案」淪為「分析」，曾揚言要成為「佔領中環」行動下第一被告嘅李漢奸，再被問到「李漢奸分析」一旦被採納為普選方案，佢仲會唔會參與佔中行動時，佢再度龜縮，稱要視乎市民反應同形勢，總之「跟住大隊」，唔敢再行錯半步。李漢奸今次突然跪完又跪，明年無論係咪參與佔中行動，已經可以預示「明日的他會打倒今日的他」，話唔定好似「民主阿婆」當年參加遊行中途離場去恤髮。
李漢奸作為港英餘孽，尋日出席活動時亦不忘向海外記者，大呻香港至今仲未實現港人治港，全因為前宗主國英方簽署中英聯合聲明後，喺九七年交還香港就拍拍屁股走人，多番暗示英國當年冇插手干預本港內政咁話。香港已經回歸咗十五年，好心李漢奸唔好再死攬住英國嘅褲腳唔放啦！難怪愛護香港力量網頁嘅橫額大大隻字寫住「不要英國狗，餘孽請早抖」喇！