雀仔街冷清 檔販呻慘

旺角「雀仔街」有約七十個售賣雀鳥、雀籠、飼料等的檔口，昨周末人流反比平日稀少，遊人以「養雀發燒友」及外籍遊客為主，各人均沒戴口罩，指香港尚未有人感染H7N9禽流感，故不擔心。

強調每日清潔確保衞生

七十一歲檔販陳樂財表示，自內地爆發H7N9後，內地入口雀鳥銳減，「雀仔街」遊人亦「睇多買少」，生意額大減。他強調每日都會清洗檔口及雀籠，食物環境衞生署人員亦會清潔整個雀鳥花園，「啲雀仔比人仲乾淨呀！」

外籍遊客樂於與鸚鵡逗玩。	入行逾半世紀的財叔稱，園圃街非常重視環境衞生，每天至少清洗兩次。	市民點睇：徐先生 「成日都係野鳥感染禽流感，養雀未試過，唔擔心，雀仔街每日清潔好衞生。」
袁小姐 「我平時都有興趣嚟雀仔街睇雀，亦相信雀仔街好乾淨，所以唔擔心會感染禽流感。」

同在「雀仔街」擺檔的港九雀鳥同業商會有限公司主席黃超倫亦指生意只及平日兩成，「熟客被家人勸阻，唔嚟買雀，生客就怕感染唔買。」他指出漁農自然護理署經常來檢驗雀糞，確保絕無雀鳥感染禽流感病毒，但每次傳出禽流感肆虐，「雀仔街」都頓時變得「生人勿近」，慨嘆無辜及不值。