全國政協委員、前中央政策組首席顧問劉兆佳尋日出席電台節目時話，「佔領中環」行動缺乏強大嘅領導，由群眾帶領好容易會失控，擔心行動即使以和平方式開始，最後仍會以激烈同流血結束，暗寸港大法律學院副教授戴耀廷未夠班做「佔領中環」領導。戴耀廷晚上出席另一場合時，自認根本唔係領導，而係一名協調人，又話其實不論有冇人做領導，「佔領中環」都有可能流血收場，因為難以杜絕滋事或激進分子混入，只能盡量防範喎，真係乜都畀佢講晒。
